سوربي الليمون "الكريبوني "

المقادير :
150غ سكر عادي
300ملل ماء
05حبات ليمون
ملعقة كبيرة كريم شانتي

طريقة تحضير :
بالنسبة للسيرو:
في كاسرول ندير الماء +سكر ونحطوهم على نار كي يذوب سكر ونحسبو حوالي 05دقائق نطفيو عليه ونخلوه يبرد(مهم جدا يبرد)
نعصر 05حبات ليمون ونضيفلهم مغرف شانتيي
انا درتهم فالمكسور عطاتلي رغوة ممممممومنها باش تمتزج مليح
نضيفها على سيرو البارد ونديرهم في علب الى الكونجيلاتور زنحط عليها مبشور ليمونة
وبعد مرور ساعة نخرجها وبواسطة ملعقة نقلبها
مانخلوهاش تتجمد
وكرري العملية هذي كل حوالي ساعة او اكثر
يعني ماتخليهش يتولي كتلة لازم تكسريلو التجميد تاعو
كي تحسي بلي واجد ماعليكي سيدتي الا انك تعمريلي بول وتجيبهولي نتمتع معاك سيدتي العزيرة

بصحتكم 

 

 

باتيسري طبقات

المقادير:
-4حبات بيض
-كاس سكر
-كاس ناقص اصبع زيت
- عصيرحبة البرتقال وليمونة  وzeste  حبة البرتقال
-2كيسان فرينة 
 كيس 1خميرة وغربليهم مع بعض 3مرات
02ملاعق صغيرة كاكاو أسود 

طريقة التحضير :
نحط فالميكسور البيض +السكر +الزيت +العصير والقشور +ونخلط مليح

 نفرغ الخليط في صحن ونضيف الفرينة والخميرة وقرصة الملح ونخلط بالسباتول 

 نفرغ الخليط في قوالب مثلا باش تكون الطبقات تقريبا متساوية وممكن تلوينها باش يجو طبقات ملونة

 نحضر مول الفرن ونمسحه بالزبدة جيدا والفرينة ونبدا بافراغ العجينة الاولى فيه 
نسخن فرن مسبقا ونضعه لينضج 

عندما تنضج نخرجها 
نشعل الفرن من الفوق فقط 
نصب الخليط الثاني فوقها ونرجعها للفرن حذاري تنضج بسرعة لان طبقة رقيقة 

نفس الشيء بالنسبة للطبقات الاخرى 

هنا طبقة الاخيرة قمت بتذويب شكولاطة وطليتها بها وتركتها ترتاح مهم جدا 

النتيجة النهائية يم يم يمييييييييييييييييي

 
 

تحلية فاخرة بمقادير بسيطة