حلوة خفيفة ظريفة "دوق وهمة من عند لينا"

المقادير:
04بيضات
قشور ليمونة
كاس زيت
كاس سكر
03مغارف كبار مايزينة (ممكن استغناء عنها بصح انا ننصحكم تزيدوها ترجع القاطو خفيف ريشة مممممم)
رشة ملح
كيس ونص خميرة قاطو
03كيسان فرينة +1/2كاس للعجينة الزائدة
للتزيين :
معجون ولوز ايفيلي محمص
الطريقة بالصور كالعادة والعوايد:
نخلط بالباتور البيض وزاست قارص

ونزيد عليه سكر ونخلط مليح حتى يذوب 

ونزيد الزيت 

ونزيد
نشاء(مايزينة )ونخلط بالسباتول

 ونزيد 03كيسان مخلطة معاهم خميرة

نتحصل على العجينة بهذا شكل مهم جدا

ننزع من العجينة طرف ونزيد عليها فرينة حتى نتحصلو على عجينة متماسكة حاولي ماتيبسيهاش بزاف

 نجهز صينية وندهنا بشوية زبدة وزيت
ونصب الخليط تاعنا ونحاول نسويه جيدا
بدهنو يدينا بشوية زيت ونعدل السطح باش يجي متساوي 

ونصب معجون فوقو ونسويه مليح
بالنسبة للمعجون انتي حرة في اختيار الذوق 

 نواسطة لاغاب نرحي العجينة من فوق
حاولي مديريش بزاف عجينة يعني معجون لازم يكون اكثر من العجينة باش تبقى طرية ونستطعمو المربى 

ندخلو للفرن 180درجة لمدة حوالي 40د

كي تخرجيها ممكن تزيدي فوقها مربى وتزينيها باللوز ايفيلي

بالنسبة للاصابع 

من نفس العجينة ممكن تقسوها على زوج وتزيدو لها فرينة حتى تتحصلو على عجينة حاكمة روحها
تصنعو عصيات
وتمرروها فالسكر وتدخلوها للفرن تطيب
لذيذة جدا جدا